Ukuhlonzwa kwezilawuli - Isithuthuthu
Izilawuli zesithuthuthu
Inhloso ukujwayelanisa umshayeli ofundayo nezingxenye eziyinhloko ezibonakalayo zemoto. Inhloso futhi ukusiza umshayeli ofundayo ukuba ahlonze izilawuli okumele zisetshenziswe ndawonye ukuze kwenziwe isenzo esithile. Izilawuli/izingxenye zesithuthuthu zilandela kanje.
- 1. Induku yamagiya — isetshenziselwa ukushintsha/ukukhetha igiya.
- 2. I-clutch — isetshenziswa lapho ufaka noma ukhipha igiya noma ushintsha usuka kwelinye igiya uya kwelinye.
- 3. Izibuko zasesokunxele nasesokudla zokubona ngemuva — zisetshenziselwa ukubona okungakwesokudla nakwesokunxele ngemuva kwesithuthuthu sakho.
- 4. Ibhuleki langaphambili — lisetshenziswa kanye nebhuleki langemuva ukumisa isithuthuthu.
- 5. I-throttle — isetshenziselwa ukulawula uphethiloli ongena enjinini ukuze kukhuphuke noma kwehle isivinini sesithuthuthu sakho.
- 6. Iswishi yesibani sesikhombisi — isetshenziselwa ukwazisa abanye abasebenzisi bomgwaqo ngenhloso yakho yokuqondisa isithuthuthu kwesokunxele noma kwesokudla, noma ukuphendukela kwesokunxele noma kwesokudla. (ikakhulukazi lapho ushintsha imizila)
- 7. Ibhuleki langemuva (lisebenza ngonyawo) — lisetshenziselwa ukumisa isithuthuthu sakho, ukwehlisa isivinini noma ukuma ngokuphelele.
Lapho ubhuleka, ibanga umshayeli wesithuthuthu alithathayo ukuma,
(i) lide kakhulu emgwaqweni omanzi kunakowomile.
(ii) lide kakhulu uma isithuthuthu sihamba ngesivinini esiphezulu.
(iii) lide kakhulu uma isithuthuthu sithwele umthwalo. - 8. Induku yokuqondisa — isetshenziselwa ukushintsha indlela isithuthuthu esiya ngayo: ukuphendukela kwesokunxele noma kwesokudla noma ukugcina isithuthuthu sihamba siqonde.
- 9. Ithangi likaphethiloli — lisetshenziselwa ukugcina uphethiloli
Pass